Android OS ရဲ့ Setting ထဲက ကျန်ရှိသေးတဲ့ အသုံးပြုအချက်အလက်တွေကို ဆက်လက်ဖော်ပြပေးသွားမှာဖြစ်ပါတယ်။ ဒီတစ်ခါ မှာတော့ Privacy Setting ဆိုတဲ့စနစ်ကနေ စတင်ပြီးဖော်ပြသွားပါမယ်။ Privacy Setting ထဲကိုဝင်လိုက်မယ်ဆိုရင်တော့ Backup My Data, Automatic Restore နဲ့ Factory Data Reset ဆိုတဲ့စနစ်တွေကို မြင်တွေ့ရမှာဖြစ်ပါတယ်။
ဒီစနစ်သုံးခုမှာတော့ Backup My Data ဆိုတဲ့စနစ်က ကိုယ့်ဖုန်းထဲမှာရှိနေတဲ့ Application Data တွေ၊ WiFi Password တွေနဲ့ အခြား Setting တွေကို Google Service ထဲမှာ သွားရောက်သိမ်းဆည်းထားမယ်လို့ သတ်မှတ်ပေးတဲ့စနစ်ပဲ ဖြစ်ပါတယ်။ ဒီစနစ်ကို အသုံးပြုထားတယ်ဆိုရင်တော့ ကိုယ့်ဖုန်းကို Firmware တစ်ခုလုံး ချိန်းလိုက်တဲ့အချိန်မှာတောင် ကိုယ့်ရဲ့အချက်အလက်တွေ ပျောက်ပျက်မသွားပဲ အချိန်မရွေးပြန်ယူပြီး အသုံးပြုနိုင်အောင် ပြုလုပ်ပေးထားတာဖြစ်ပါတယ်။ နောက်ထပ်စနစ်တစ်ခုဖြစ်တဲ့ Automatic Restore ဆိုတဲ့စနစ်ကတော့ ကိုယ်က Backup လုပ်ပြီး သိမ်းဆည်းလိုက်တဲ့ အချက်အလက်တွေကို အလိုအလျောက်ပြန်ပြီး ဖုန်းထဲကို Restore ပြန်လုပ်နိုင်တဲ့စနစ်ပဲဖြစ်ပါတယ်။ ဖော်ပြခဲ့တဲ့စနစ်နှစ်ခုဟာ ဆက်စပ်မှုရှိနေပါတယ်။ Backup My Data ဆိုတဲ့စနစ်ကို အသုံးပြုမယ်ဆိုရင် သူ့ကို အမှတ်အသားလေး ပေးထားရမှာဖြစ်ပါတယ်။ ဒီလိုမျိုး အမှတ်ကလေးပေးလိုက်မှသာ နောက်ထပ်စနစ်တစ်ခုဖြစ်တဲ့ Automatic Restore ဆိုတဲ့စနစ်ကို အသုံးပြုနိုင်မှာဖြစ်ပါတယ်။ ဘာကြောင့်လဲဆိုတော့ Backup My Data ဆိုတဲ့နေရာမှာ အမှတ်အသားလေးမပေးထားဘူးဆိုရင် အောက်ဖက်က Automatic Restore ဆိုတဲ့စနစ်ကလည်း ပိတ်ထားပြီးသားဖြစ်နေမှာဖြစ်ပါတယ်။ နောက်ထပ်စနစ်တစ်ခုဖြစ်တဲ့ Factory Data Reset ဆိုတဲ့စနစ်ကတော့ ဖုန်းတစ်ခုလုံးကို Reset လုပ်ပစ်လိုက်နိုင်တဲ့ စနစ်ပဲဖြစ်ပါတယ်။ ဒီစနစ်ကို အသုံးပြုလိုက်မယ်ဆိုရင်တော့ ဖုန်းထဲမှာထည့်သွင်းထားတဲ့ ဆော့ဖ်ဝဲတွေ၊ ဂိမ်းတွေ၊ အခြား Application တွေနဲ့ Contact တွေ အစရှိတဲ့ အချက်အလက်တွေအကုန်လုံး ပျောက်ပျက်သွားမှာဖြစ်ပါတယ်။ ဖုန်းဟာ စစချင်းတုန်းကအတိုင်း Firmware အသစ်တစ်ခုတင်လိုက်သလိုမျိုး အသစ်ပြန်ဖြစ်သွားမှာဖြစ်ပါတယ်။ ဒီစနစ်ကတော့ ဖုန်းဟန်းနေတဲ့အချိန်မျိုးတွေနဲ့၊ ဖုန်းမှာ Error တွေဖြစ်ပေါ်နေတဲ့အချိန်၊ ဖုန်းတွင်းစနစ်ပိုင်းမှာ တစ်ခုခုချွတ်ယွင်းလာတတ်တဲ့ အချိန်မျိုးတွေမှာပဲ ပြုလုပ်တတ်ကြပါတယ်။ ဖုန်းရဲ့ Memory စနစ်ပိုင်းနဲ့ Firmware စနစ်တစ်ခုလုံးကို အသစ်တိုင်း ပြန်ပြီးစလိုက်တဲ့သဘောပဲဖြစ်ပါတယ်။ ဒါကတော့ Privacy Setting ထဲမှာ အသုံးပြုနိုင်မယ့် စနစ်တွေပဲဖြစ်ပါတယ်။ နောက်ထပ်စနစ်တစ်ခုကတော့ Storage ဆိုတဲ့စနစ်ပါ။ ဒါကတော့ ဖုန်းရဲ့မှတ်ဥာဏ်စနစ်ပိုင်းကို ကြည့်ရှုနိုင်တဲ့နေရာဖြစ်ပါတယ်။ ဖုန်းထဲက ဖုန်းတွင်းမှတ်ဥာဏ်စနစ်ပိုင်းနဲ့ ပြင်ပကနေ ထပ်မံထည့်သွင်းအသုံးပြုတဲ့ SD Card နှစ်ခုစလုံးရဲ့ မှတ်ဥာဏ်တွေကို ကြည့်ရှုနိုင်ပါတယ်။ ဒီထဲမှာတော့ အသုံးပြုနိုင်မယ့်စနစ်တွေကတော့ Unmount SD Card ဆိုတဲ့စနစ်နဲ့ Format SD Card, Format USB Storage ဆိုတဲ့စနစ်တွေကိုပဲ အသုံးပြုနိုင်မှာ ဖြစ်ပါတယ်။ အခြားကျန်ရှိနေတဲ့အချက်တွေကတော့ မှတ်ဥာဏ်တွေကို ကြည့်ရှုနိုင်ရုံသက်သက်ပါပဲ။ Unmount SD Card ဆိုတာကတော့ ဖုန်းထဲမှာထည့်သွင်းထားတဲ့ SD Card ကို ဖုန်းနဲ့ဆက်သွယ်ထား ရာကနေ ဖြုတ်မယ်လို့ သတ်မှတ်တဲ့သဘောပဲဖြစ်ပါတယ်။ ဒီစနစ်ကို နှိပ်လိုက်မယ်ဆိုရင် ဖုန်းထဲမှာ SD Card ကိုထည့်သွင်းထားပေမယ့် ဖုန်းက SD Card ကိုမသိတော့ပါဘူး။ Unmount SD Card ကို နှိပ်လိုက်တာနဲ့ Format SD Card ဆိုတဲ့စနစ်ကိုပါ အသုံးပြုနိုင်မှာဖြစ်ပါတယ်။ SD Card ကို Unmount မလုပ်ပဲနဲ့ Format ပြုလုပ်တဲ့စနစ်ကို အသုံးပြုလို့မရပါဘူး။ Unmount လုပ်လိုက်ပြီးပြီဆိုရင်တော့ SD Card တစ်ခုလုံးကို Format ပြုလုပ်နိုင်ပြီဖြစ်ပါတယ်။ နောက်ထပ်စနစ်တစ်ခုဖြစ်တဲ့ Format USB Storage ဆိုတဲ့စနစ်ကတော့ ဖုန်းမှတ်ဥာဏ်ထဲမှာထည့်သွင်းထားတဲ့ Application တွေ၊ သီချင်းတွေ အစရှိတဲ့ ဖုန်းမှတ်ဥာဏ်ထဲမှာ ထည့်သွင်းထားတဲ့ Data တွေအားလုံးကို ဖျက်ပစ်မယ်၊ ဖုန်းတွင်းမှတ်ဥာဏ်တစ်ခုလုံးကို Format လုပ်ပစ်မယ်လို့ ဆိုလိုတဲ့သဘောပဲဖြစ်ပါတယ်။
မှတ်ချက် ။ ။ အင်တာနက်ဂျာနယ် မှကူးယူဖော်ပြခြင်းဖြစ်ပါသည်..။
0 comments:
Post a Comment